10. Onddo hankagorria (Boletus erythropus)

 

 

 

 

Deskribapen laburra: Ziza handia. Himenioan tutu gorri-laranjak ditu. Moztutakoan, haragiak kolore urdin mina hartzen du berehalako batean. Txapela nabarra da, iluna; eta horrek onddo preziatuak ekartzen dizkigu gogora  (Boletus gr. edulis). Hanka puntu gorriak dira espezie honen ezaugarri nagusietako bat.  

 

Noiz eta Non: Udako ziza, abuztuaren erditik aurrera hasten da fruitu ematen, azaroaren erdira arte. Espezie mikorrizikoa da, oihan hosto erorkorreko bereizgarria.  

 

Jangarritasuna: Goxoa da, eta testuraz nahiz zaporez onddoen antz handia du (Boletus gr. edulis). Sukaldean prestatutakoan, haragiak kolore krema-horixka hartzen du.  

 

Oharrak: Ukitutakoan eta ebakitakoan, kolore urdin nabarmena hartzen duten onddoei “behi-onddoak” esaten zaie; beraz, horrek esan nahi du bazterrotan ez direla batere estimatuak. Dena dela, espezie honek kalitate handia du sukaldaritzan.

Nahasketa-arriskua:  

 

 

 

ITZULI